Deputeti i Lidhjes Demokratike të Kosovës Haxhi Avdyli i ka drejtuar një pyetje kryeministrit Ramush Haradinaj dhe presidentit Hashim Thaçi, pas homazheve që dy liderët e lartë të shtetit i bënë sot në Koshare të Gjakovës.

Përmes një shkrimi në Facebook, Avdyli ka thënë se Haradinaj e Thaçi duhet të tregojnë se kush i vrau ish-ministrin në ekzil të Kosovës, Ahmet Krasniqin, dhe dy aktivistët e LDK-së, Tahir Zemajn e Smajl Hajdajrajn.

“Disa lider si Hashimi e Ramushi, në betejën e lavdishme të Koshares, paskan derdh lotë e pasi u ngopen mish ,paskan bë thirrje heroike per luftë te re me Serbinë. Një pyetje krejt të lehtë per ju Hashim e Ramush, para se me nis luftë: A thua a dini dicka kush i vrau ministër Ahmet Krasniqi, Komandant Smajl Hajdaraj dhe Tahir Zemaj?”, ka shkruar ai.

“Ju para se me bë homazhe aty, do i kishit nderu Luften e Koshares nëse tregoni kush i vrau këta heronj”, ka shkruar deputeti i LDK-së.